القرآن فیضان ِ تسنیم انٹرنیشنل اکیڈمیز پوری دنیا میں پھیلنے والا وہ وسیع نیٹ ورک ہے جسکی  بنیاد  اس عہد پر رکھی گئی  کہ ہم نغمہء قرآنی دنیا کو سنا دیں گے ۔ ہر فرد کو اس کا دیوانہ بنا دیں گے ۔ یہ بین الاقوامی سطح پر قائم ہونے والے وہ ادارے ہیں  جہاں قرآن مجیدکی بنیادی تعلیمات کا آغاز ہوتا ہے     ۔    جس میں ناظرہ قرآن ، ترجمہ تفسیر ،  تعمیل دین ، ترغیب نماز ،  مصحف ٹریسنگ اور دیگر بنیادی علوم سکھائے جاتے ہیں ۔  یہ ابتد ائی لیول القرآن فیضانِ تسنیم اکیڈمی کے نام سے جانا جاتا ہے ۔جسے  جامعات سیفیہ رحمانیہ نیٹ ورک کے بانی و  مہتمم  شیخۃ الحدیث  تسنیم کوثر ہاشمی سیفی صاحبہ نے   اللہ و رسول  ﷺ کے عشق و محبت میں  قرآنی تعلیمات کو دنیا کےہرکونے میں پہنچاتے ہوئے بنایا   اور     زمانے کی اصلاح و تشکیل کے لئے ایسی روشن قندیلیں تیار کی    جو شریعت کے تقاضوں کے مطابق عالم  اسلام میں فرداً فرداً  رشد و ہدایت کا فریضہ سر انجام دینے میں مصروف عمل ہے۔ آپ نے لاکھوں افراد کو تاریکیوں  سے روشنیوں کی طرف بلایا،  حق سے ملوایا ، قرآن کریم کا دیوانہ بنایا ، عاشق مصطفیٰ ﷺ بنایا، محبوب بندہ ء خدا  بنایا۔۔۔ جامعاتِ سیفیہ رحمانیہ سے تیار ہونے والی معلمات اپنے اپنے علاقوں میں القرآن فیضان تسنیم اکیڈمی  اوپن کر  یں گی اور    بفضلِ خدا  دُخترانِ اسلام کو قرآن و سنت  کا فیضان پہنچائیں گی۔ انشاءاللہ۔